Politica e finanzas

Chi chi fa cun plaschair e s’allegra da quai ch’el ha fat, es furtünà.

J. W. Goethe

Il concept directiv da l’età avanzada in Grischun es drizzà oura tanter oter sül prinzip essenzial “rendabilità e qualità”. Rapreschantantas e rapreschantants d’organisaziuns statalas e na statalas han fixà suot quist prinzip cha’l man public haja da pisserar, cha per prestaziuns sül chomp da lavur cun e per glieud attempada sajan da s-chaffir cundiziuns da basa, las qualas pussibilteschan da procurar prestaziuns economicamaing e qualitativamaing equilibradas.

Da princip dessan umans attempats, independentamaing da lur status social e finanzial, pudair far adöver da las prestaziuns chi correspuondan a lur bsögn da chüra, d’assistenza e social. Il chantun e’ls cumüns pajan contribuziuns a las sportas da servezzans arcugnuschüts, ambulants e staziunaris da la chüra d’attempats.

Persunas chi han il dret da contribuziuns vegnan sustgnüdas directamaing da la sgüranza sociala (prestaziuns cumplementaras ed indemnisaziun a persunas dependentas da grond agüd).