Nus dovrain blers ons per incleger quant prezius cha batterdögls pon esser.
Ernst Ferstl
Pudair organisar il minchadi e la vita, uschè sco chi’s giavüscha e s’imaginescha es per glieud plü veglia güst uschè individual e giavüschabel sco illa giuventüm. Blers umans plü vegls vivan amo a chasa e vegnan a bröch cun lur minchadi sulets o cun agüd da confamiliras o vaschins. Eir ils blers agüdonts voluntaris sun indispensabels per gnir a fin cul minchadi, sajan quai ils manaschunzs da la Crusch Cotschna, o las persunas chi scumpartan ils giantars, o sco accumpognamaint in situaziuns dal minchadi. Il böt das-cha esser quel, da promouver e giodair ün’organisaziun individuala dal minchadi e da la vita eir in cas dad impedimaints da sandà.